တမန်တော်မြတ်မဟာ ၊ တမန်တော်အပေါင်း၏ဥသျှောင် မူဟမ္မဒ်မုဆ်တဖွာ ၊ ရဟ်မသွလ္လီလ်အာလမီးန် (ဆွလ္လာလ်လားဟို့ အလိုင်းဟေဝစလာမ်) ၊ (၂၁း၁၀၈) ၊ ကမ္ဘာ့လူသားခပ်သိမ်းတို့အတွက် ခေတ်အဆက်ဆက်၏ စံပြတမန်တော်ကြီး လည်းဖြစ်လျက် တမန်တော်မြတ်(ဆွ)၏ အွမ္မသ်အမျိုးသားထုကြီးမှာ ခိုင်းရ်အွမ္မသ်၊ အမြတ်ဆုံးဖြစ်ပါလျက် နဗူဝသ်ဆိုသည့် တမန်တော်ဘွဲ့ကိုတော့ ကျမ်းမြတ်ကုရ်အာန်အရ မရနိုင်ဘူး၊ အကယ်၍ရလျှင်ရခြင်း တောင်ဝ်ရာသ်ကျမ်းကိုသာလိုက်နာ၍ အစ္စရေးလူမျိုးတို့အတွက်မျှဖြစ်သော တမန်တော် (၃း၄၉-၅၀) ကိုသာ ရရှိနိုင်လိမ့်မည်ဟု ခံယူထားသည့်နှယ် alfurqanmyanmar.com ဆိုသည့် ဘလော့အား ရေးသားနေသူ ပုဂ္ဂိုလ်ကြီး၏ တင်ပြချက်ကို ဆန်းစစ်လျှင်ထွက်ပေါ် လာမည့်အမေးမှာ ‘တမန်တော်မြတ်ကြီး (ဆွ) က၊ ဘာကိုအဆုံးသတ်ခဲ့တာပါလဲ၊ အသင့်အကီဒါဟ်အရ အစ္စရေးတမန်တော်တစ်ပါး ပြန်လာဖို့ ကျန်နေသေးတယ်မဟုတ်လား ၊ ’
(view original on alislam.org)
 |  |
(အပေါ်ပိုင်းမျဉ်းနီသားပြထားသည့်စာသားအဓိပ္ပါယ် - အလ္လာဟ်တမန်တော်(ဆွလ္လာလ္လားဟို့အလိုင်ဟေဝဆလာမ်)အဆုံးသတ်ခဲ့သည့် တမန်တော်ဖြစ်ခြင်းမှာ ဥပဒေပြုသရှ်ရီအီးနဗုဝသ်သာဖြစ်၍ နဗုဝသ်၊ တမန်တော်ဖြစ်ခြင်း(အားလုံးကို အဆုံးသတ်ခဲ့ခြင်း)မဟုတ်မူဘဲ ဤသည်ပင် တမန်တော်မြတ်ကြီး၏ ရစူလ်တမန်တော်ဖြစ်ခွင့်ရှိခြင်းသည် မိမိအားဖြင့်အဆုံးသတ်ခြင်းဖြစ်ကြောင်း၊ ထို့ကြောင့် မိမိနောက်တွင် ရစုလ်ရော နဗီပါ ပွင့်စရာမရှိတော့ကြောင်း (ဆိုလိုသည်မှာ - ကျွန်ုပ်၏နောက်တွင် ကျွန်ုပ်ဆောင်ယူလာခဲ့သည့်ဥပဒေအတိုင်းလိုက်နာသော တမန်တော်မှလွဲလျက် အခြားတမန်တော်မရှိတော့) ဆိုလိုရင်းတည်း။ ဖုသုဟတ်မက္ကီယာ၊ အတွဲ ၂၊ စာ ၃)
ကတိတော်လာမဆီဟ်နှင့်မဟ်ဒီဘွဲ့ခံ အရှင်သူမြတ်ကို မကြောက်မရွံ့ရဲဝံ့စွာပျက်ရယ်ပြုနေသူပုဂ္ဂိုလ်ကြီးက အထက်ပါ ဖုသုဟတ်မက္ကီယာ၊ အတွဲ ၂၊ စာ ၃ကို ရည်ညွှန်း၍ “ရှရီအသ်အသစ်ကိုမဆောင်ယူသော နဗီတမန်တော်တို့ပွင့်ပေါ်နိုင်သေး၏ ဟု ရေးသားထားခြင်းလုံးဝ မဟုတ်ပေ။” ဟုရေးသားဖော်ပြခဲ့ပေရာ အသို့နည်း၊ အသင်သည် ကျွန်ုပ်ကဲ့သို့သော သူမျိုးကိုပင်ရင်ဆိုင်ရန် လိမ်ဆင်ထုတ်ခဲ့လေပြီလော၊ ငါသိ ငါတတ် ငါနှင့်ငါသာနှိုင်းစရာ ငါလိုလူဇမ္ဗူမှာမရှိဘူးရယ်ဆိုပြီး မတောက်တခေါက်သောပညာနှင့် မောက်မာထောင်လွှားသော အန္ဓများအတိုင်း နှလုံးသားတပြင်လုံးအပေါ် တံဆိပ်ခပ်နှိပ်ခံလိုက်ရလေပြီ။ alislam.org မှတရားဝင်တင်ပြထားသည့် Qandeel-e-Sadaqat (Beacon of truth) တွင် အသင်မဟုတ်မတရားစွပ်စွဲထားသလို ဖြတ်တောက်တင်ဆက် ထားခြင်း ဟုတ်မဟုတ် ရှုလော့။
ကတိတော်လာမဆီဟ်နှင့်မဟ်ဒီဘွဲ့ခံ အရှင်သူမြတ်ကို ပျက်ရယ်ပြုနေသူပုဂ္ဂိုလ်ကြီးတင်ပြထားသည့် ဖုသူဟတ်အလ်မက္ကီယဟ် အတွဲ ၂ ၊ စာ - ၃ စာမျက်နှာပါ အောက်ဆုံးစာပိုဒ်များကို အာရေဗျဘာသာစကား(စာပေ) တတ်ကျွမ်းထားပါက အလျင်အမြန်ပင် သံဝေဂရစရာအဖြစ် ရှုမြင်သွားနိုင်မည်ဖြစ်သော်လည်း ပုဂ္ဂိုလ်ကြီးသည် ယင်းစာမျက်နှာတွင်ပင်ဖော်ပြထားသည့် ‘ဝါဝဟဗ္ဗနာ လဟူး အခါးဟုဟာရူးနာ နဗီယန်’ (၁၉း၅၄ ရှု) ၊ ‘ငါအရှင်မြတ်သည် ယင်း(တမန်တော်မူစာ)အား သူ၏နောင်တော် ဟာရွန်ကိုလည်း နဗီတမန်တော်ပြုပေးတော်မူခဲ့၏။’ ဟုလှစ်ဟလျက် နဗူဝသ် တမန်တော်စနစ်တွင် ရှေ့ဆောင်နှင့် နောက်လိုက်ရှိခြင်းကို လင်းပြထားသည်အား လစ်လျူပြုခဲ့ပေသည်။
သို့ကြောင့် တမန်တော်မြတ်မဟာ (ဆွ)အား တမန်တော်မူစာ(အ)နှင့် တုနှိုင်းယှဉ်တွဲညှိပြကာ အလ္လာဟ်အရှင်မြတ်က ခုလို မိန့်ကြားထားတော်မူကြောင်း ထပ်မံထုတ်နုတ်ပြသရပေချိမ့်။
‘ဧကန်စင်စစ် ငါအရှင်မြတ်သည် ဖိရ်အောင်န်၏ထံသို့ ရစူလ်တမန်တော်တစ်ပါးစေလွှတ်တော်မူဘိသကဲ့သို့ အသင်တို့ထံသို့လည်း ရစူလ်တမန်တော်တစ်ပါးအား အသင်တို့အပေါ်၌ သက်သေအဖြစ် စေလွှတ်တော်မူ၏။’ (၇၃း၁၆)
အထက်ပါအာယတ်တော်၏ အောက်ခြေ၌ ‘ဆိုလိုသည်ကား အလ္လာဟ်အရှင်မြတ်သည် တမန်တော်မူစာအား သီးသန့်ကျမ်းဂန်ချီးမြှင့်တော်မူသကဲ့သို့ တမန်တော်မြတ်အားလည်း သီးသန့်ကျမ်းဂန်ချီးမြှင့်၍ စေလွှတ်တော်မူခြင်းဖြစ်သည် ’ လို့ဖော်ပြထားပါသည်။ (ကုရ်အာန်ကျမ်းမြတ်၊ မြန်မာဘာသာပြန် ဖဟဒ်ဘုရင်ပုံနှိပ်တိုက်ထုတ်၊ တွဲ ၂၊ စာ - ၂၈၈၃၊ အောက်ခြေမှတ်ချက် )
ခုလိုတမန်တော်မူစာ(အ)ဟာ ရှရီအသ် ကျမ်းရတမန်တော်ဖြစ်သည့်အားလျော် တမန်တော်ဟာရွန်(အ)အပါအဝင် ဘနီအစ္စရာအီလ်အမျိုးသားတို့တွင် မြောက်မြားစွာသော နဗီရစူလ်တမန်တော်များက တမန်တော်မူစာ(အ)ရဲ့တက္ကသိုလ်မှာ တောင်ဝ်ရာသ်တည်းဟူသော သင်ရိုးကို ဆည်းပူးကြသော နဗူဝသ်နှင့် ရိစာလသ်ဆိုသည့် မဟာဘွဲ့များကို အစဉ်အဆက်ဆွတ်ခူးခဲ့ကြရပါသည်။ (၂း၈၈ ၊ ၅း၄၅ - ၄၇ ၊ ၃၂း၂၄ - ၂၅ စသည်များရှု )
သို့စင်လျက် ကမ္ဘာ့စံပြတမန်တော်ကြီး (ဆွ)ရဲ့ အကြွင်းမဲ့ပြီးပြည့်စုံသော၊ ခေတ်အဆက်ဆက်အတွက် ပြီးပြည့်စုံလှသော ကမ္ဘာ့တက္ကသိုလ်ကြီးမှာတော့ နဗီများနဲ့အတူ ၊ ဆဒီးက်များနဲ့အတူ၊ ရှဟီဒီများနှင့်အတူ၊ ဆွာလေဟ်များနှင့်အတူသာ ရှိကြရလိမ့်မယ်၊ အမှန်စင်စစ်အားဖြင့် ထိုသည့် ဘွဲ့တွေကို ရရှိနိုင်ကြမှာမဟုတ်ဘူးရယ်လို့ ဖွင့်ဆိုလိုက်ခြင်းဟာဖြင့် ‘ရှက်ခြင်း၊ကြောက်ခြင်းတည်းဟူသော ဟိရီသြတ္တပ’ ဆိုသည့်ဝေါဟာရကို နားမလည်ပါဘဲ တပါးသူအား ထိုစကားလုံးများဖြင့် စွပ်စွဲခြင်းအထုံပါနေသည့်အတိုင်း မျက်နှာပြောင်တိုက်ကာ၊ ‘လိုဂါတုလ်ကုရ်အာန် ၊ အေမာမ် ရာဃိဘ် ’ ၏အဖွင့်ကိုပင် ဆန့်ကျင်ကာ ကိုယ်တိုင်ပင် ကျမ်းမြတ်ကုရ်အာန်အား စိတ်ကြိုက်သဖ်စီရ်ဖွင့်နေချေပြီ။ (အာအူဇိုဘိလ္လာဟ်…) (မှတ်ချက် ၊ အကျယ်ကို liar exposed တွင်ဆက်လက်ဆွေးနွေးပါမည်။)
အမှန်မှာ ဟာဇရသ်အိဗ္ဗနေ့အာရဗီ(ရ.ဟ)သခင်ကြီးက အစ္စရေးအမျိုးသားတို့၏ တမန်တော်၊ မဆီဟ်အိဗ္ဗနေ့မရ်ယမ်သခင်(အ) ကွယ်လွန်အနိစ္စရောက်ခဲ့ပြီဖြစ်ကြောင်းကို မိမိကျမ်းတွင် ဖော်ပြထားပြီးဖြစ်သည်ကို အာရဗီမတောက်တခေါက်ဖြင့် အာရဗစ်ပါမောက္ခအမည်ခံထားသည့် ပုဂ္ဂိုလ်ကြီးမတွေ့မြင်မဖတ်ရှုနိုင်သေးဘဲ ကျွနု်ပ်ထုတ်ပြတော့မှ နောက်ယောင်လိုက်ပြီး မိမိဘာသာဖတ်ရှုထားပြီးသည့်အလား လိုက်၍ထုတ်ပြနေလေ့ရှိသည့် ဆရာကြီးကို ယခုလည်း ကျွန်ုပ်အနေနှင့် အမှန်ကို လျှို့ဝှက်ဖုံးကွယ်ထိန်ချန်ခြင်းမရှိဘဲ အိဗ္ဗနေ့အာရဗီ(ရ.ဟ)က “ဖလမ်းမာ သဝဖ်ဖိုင်းသနီး” ကို မည်သို့လင်းပြခဲ့ကြောင်း ‘ရေဆေးငါကြီးလွတ်လေပြီ’ ခေါင်းစဉ်အောက် တွင်ဆက်လက်ဖော်ထုတ်ပြသလိုက်ပါ၏။
ဟာဇရသ်မူဟီရွတ်ဒင်း အိဗ္ဗနေ့အာရဗီ (ရ.ဟ)က သူ၏ကျမ်းတစ်ဆူဖြစ်သည့် ဖူသူဟတ်မက္ကီယာဟ်တွင် ‘နဗူဝသ်သည် ကမ္ဘာလောကတွင် ကေယာမသ်နေ့တိုင် တည်ရှိပေလိမ့်မည်။ ရှရီအသ်သည် ဆုံးခန်းတိုင်ရောက်ခဲ့ပြီဖြစ်ပေလင့်ကစားလည်းဖြစ်၏။ ထို့ပြင်ရှရီအသ်သည် နဗူဝသ်၏ အပိုင်းများအနက်မှ တစ်စိတ်တစ်ပိုင်းဖြစ်ပေသည်။’ (၎င်းကျမ်း ၊ တွဲ - ၂ ၊ စာ ၁၀၀)
ဟုဖော်ပြထားပေရာ ကျွန်တော်က ခါတမေနဗူဝသ်နှင့်စပ်လျဉ်း၍ ရှေးပညာရှိတို့၏ လင်းပြချက်များ ပို့စ်တွင်ဖူသူဟတ်မက္ကီယာဟ်ကျမ်း၊ တွဲ - ၂ ၊ စာ - ၃ ဖော်ပြချက်ကိုလည်းကောင်း ၊ ထိုကျမ်း စာ - ၁၇၇၊ ၁၇၈ ဖော်ပြချက်တို့ကိုလည်းကောင်း လိုရင်းတိုရှင်းဖြင့် ကောက်နုတ်တင်ပြခြင်းသည် မူရင်းကျမ်းရေးသားပြုစုသူအရှင်သူမြတ်၏ ဆိုလိုရင်း (context) ကို လုံးဝမထိပါးကြောင်း အလ္လာဟ်အရှင်မြတ်၏ ရှေ့တော်မှောက်၌ သက်သေရရှိပေသည်။
အထက်ဖောြ်ပပါ စာပိုဒ်ကို ဆက်လက်၍ လေ့လာပါသော်တွေ့ရှိရသည်မှာ `` သို့မဟုတ်ပါမူ ‘ခဘာရ်’ ၊ သတင်းစကားကို ပို့ချပေးခြင်းအား ဤကမ္ဘာလောကမှ ဖြတ်တောက်ခြင်းသည်မဖြစ်နိုင်ချေ၊ အကယ်၍ဖြတ်တောက်ခဲ့ပါသော် ကမ္ဘာလောကကြီး၏ စနစ်တစ်ခုလုံးလည်း (ရပ်တန့်သွားမည်)ဖြစ်ပြီး ထိုလောကကြီးတည်ရှိနေမှုလည်း ဆက်လက်တည်တံ့နိုင်မည်မဟုတ်ချေ။ ’ ထို့နောက် စူရာဟ် ၁၈း၁၁၀ ကိုဖော်ပြထားပြီးတဆက်တည်း စူရာဟ် ၃၁း၂၇ ကိုဖော်ပြသည်။ တဖန်ဆက်၍ ‘အလ္လာဟ်အရှင်မြတ်ဖော်ပြသည်မှာ အရှင်သည်မည်သည့်အရာကိုမျှဖြစ်ထွန်းပေါ် ပေါက်လာစေရန် (အတွက် ကျိုးပမ်းခဲ့ရသည်ဟူ၍မရှိဘဲ) ‘(ကွန်) ဖြစ်စေ’ ဟု မိန့်(ယုံမျှဖြင့် အရာအားလုံးဖြစ်ထွန်းလာခဲ့ပေသည်။) ထို့ကြောင့် အရှင်မြတ်၏ဉာဏ်ဆင်တော်မုက္ခပါတ်တော်များကား ရပ်တန့်သည်ဟုမရှိ (ဆက်၍အလင်းပေးလျက်သာ)၊ ဤသည်ပင်လျှင် ‘မောင်ဂျူဒါဟ်’ ၊ အဖန်ဆင်းခံအားလုံးအတွက် မှန်ကန်သော (အစာရိက္ခာဖြစ်သည်။) ဤသည်ပင်လျှင် နဗူဝသ်အမျိုးအစားများထဲမှ တစ်ပိုင်းဖြစ်ပြီး ထိုသည်ကားဆက်လက်(ရှင်သန်)လျက်ရှိကာ ရပ်တန့်မသွားချေ။ ထို့ကြောင့် အသင်သည်အဘယ်ကြောင့် နဗူဝသ်၏အခြားအစိတ်အပိုင်းများကို မှီတွယ်နေရသနည်း။ ’’
ဝီလာယသ်နှင့်နဗူဝသ်
www.alislam.org ပါ Qandeel-e-Sadaqat (Beacon of truth) (link) တွင်ဖော်ပြထားချက်မှာ
- အိဗ္ဗနေ့အာရဗီ(ရ.ဟ)သခင်၏ အယူအဆကို ဖုသူဟတ်မက္ကီယာဟ်ကျမ်း အတွဲအားလုံးခြုံငုံလေ့လာပြီးမှ မိမိအကီဒါဟ်အပေါ် ထောက်ခံတင်ပြထားခြင်း ဖြစ်သည်။ (Full Context)
- အိဗ္ဗနေ့အာရဗီ(ရ.ဟ) သခင်၏ အယူအဆတွင် တမန်တော်မြတ်(ဆွ)၏နောက် ရှရီအသ်အသစ်ကို ပို့ချပေးနိုင်သော တံခါးပေါက်သည် ပိတ်သွားခဲ့ပြီဖြစ်ကြောင်းနှင့် နဗူဝသ်အမျိုးအစားတိုင်း ပိတ်သွားခြင်းမဟုတ်ကြောင်း ပေါ်လွင်ပါသည်။ သို့ကြောင့်လည်း သခင်ကြီးက ကျမ်းမြတ်ကုရ်အာန် ၁၈း၁၁၀ နှင့် ၃၁း၂၇ တို့ကိုကိုးကားထားသည်မဟုတ်ပါလော။
- သခင်ကြီး၏ အယူအဆတွင် တမန်တော်မြတ်ကြီး(ဆွ)နောက် ရှရီအသ်မပါသော နဗူဝသ်ပေါ်ထွန်းနိုင်စရာတံခါး ပေါက်မှာ ပွင့်လျက်ရှိပြီး ကေယာမသ်နေ့တိုင်အထိ ဖွင့်လှစ်ထားမည်ဖြစ်ကြောင်းနှင့် ယင်းသို့သော နဗူဝသ်အမည်မှာ နဗူဝသ် အာမဟ် ဟူ၍ဖြစ်ကြောင်းကိုလည်းကောင်း
- တမန်တော်မြတ်ကြီး(ဆွ)၏ နောက်ပိုင်းတွင် မည်သူမဆို ပေါ်ထွန်းကြွရောက်ခဲ့လျှင်လည်း ထိုသူမှာ ကိုယ်တော်မြတ်၏ ရှရီအသ်နှင့် ကိုယ်တော်မြတ်၏ အဆိုအမိန့်ကို လိုက်နာသူဖြစ်ရမည်ဖြစ်ကြောင်းကိုလည်းကောင်း
- နဗူဝသ်တွင် အစိတ်အပိုင်းအမျိုးမျိုးရှိကြောင်းနှင့် ရှရီအသ်သည်ပင် နဗူဝသ်အမှန်မဟုတ်မူဘဲ ရှရီအသ်ပို့ချခြင်းမှာ ထိုသည့်အစိတ်အပိုင်းများမှ တစ်စိတ်တစ်ပိုင်းသာဖြစ်ကြောင်းကိုလည်းကောင်း တိကျခိုင်မာစွာ သက်သေပြလိုက်နိုင်ပြီဖြစ်ပါသည်။
ယခုတဖန်ဆက်လက်၍ ‘ရို့ယာအ်’ ဟူသောစကားလုံးကို လူသာမာန်တို့မြင်မက်သော သာမာန်အိပ်မက်ဟု အရာထားဖော်ပြထားသည့်သဘောကို လင်းပါအံ့။ ထိုသို့ အိပ်မက်ဟုသာအရာထားပါလျှင် တမန်တော်မြတ်ကြီး(ဆွ)၏ “အစ္စရာအ်” ခရီးစဉ်ကို “ဝမား ဂျအလ်နရ် ရို့ယာလ်လသီ အရိုင်းနားကာ့ ” (၁ရး၆၁) တွင်လာရှိသော ‘ရို့အ်ယာ’ ကို မည်သို့သော သဘောကောက်ယူပါမည်နည်းဟု self claim မုဖတ်စီရုလ် ကုရ်အာန်ကြီးအား မေးစမ်းပါရစေ။
ထို့ကြောင့် ကတိတော်လာမဆီဟ်နှင့် မဟ်ဒီဘွဲ့ခံအရှင်သူမြတ်(အ)အား ဆဲရေးတိုင်းထွာနေသူကြီးက ဖုသူဟားသ်အလ်မက္ကီယာ အတွဲ (၂) စာမျက်နှာ ၄၉၅ ပါ အဓိပ္ပါယ်ကို မည်သို့နားလည်ဖွင့်လိုက်ပါ၏နည်း။ ဖွင့်ဆိုလိုက်သည်မှာ - ‘အိပ်မက် သည် နဗူဝသ် ၏ အစိတ်အပိုင်းများအနက် တစ်စိတ်တစ်ပိုင်းဖြစ်သည်ဟုကိုယ်တော်မြတ် (ဆွ) က ကျွနု်ပ်တို့အားအသိပေးမိန့်ကြားတော်မူခဲ့သည်။ နဗူဝသ်၏အစိတ်အပိုင်းများအနက်ထိုအစိတ်အပိုင်းတစ်ခု သာလျှင် လူအများအတွက် ကျန်ရှိတော့သည်။ ၎င်းထက်ပို၍ အခြားမည်သည်မှမကျန်တော့ပေ။ သို့ဖြစ်ရာရှရီအသ် ဥပဒေ လက်ခံ ရရှိသော တမန်တော်မှ လွဲ၍ အခြားမည်သည့်အရာ ၊ မည်သည့်သူကိုမျှ "တမန်တော်ဖြစ်ခြင်း (နုဗူဝသ်)" နှင့် "တမန်တော် (နဗီ)" ဟူသော ဝေါဟာရတို့ဖြင့် ညွှန်းဆို သုံးနှုန်း ခြင်း မပြုထိုက်ပေ။’
"The Messenger has informed (us) that dreams are one of the parts of Prophethood. Of Prophethood there shall remain for the people only this part, and nothing more than that. In spite of this, the term ‘Prophethood’ shall not be applicable to anything, nor the term ‘Prophet’ be applicable to anyone other than the one endued with a Shari’ah. Thus ‘Prophethood’ has been banned on account of this particular characteristic."[42]
ထို့ကြောင့်အများပရိသတ်အားအကြံပြုတင်ပြလိုသည်မှာ ရှိတ်ခ်ခွလ်အက္ကဘာရ်အိဗ္ဗနေ့အာရဗီ(ရ.ဟ)မှာ ကျမ်းရတမန်တော် သို့မဟုတ် ကိုယ်တောြ်မတ်(ဆွ)၏ နောက်ဆုံးနှင့် ပြီးပြည့်စုံဆုံးသော ကျမ်းတော်မြတ်ကုရ်အာန်ထဲမှ မည်သည့်မုက္ခပါတ်တော်မဆိုကို ပယ်ဖျက်ရန် လာရောက်မည့် တမန်တော် စသော တမန်တော်တုများ၏ရန်မှ ကာကွယ်ရန်အလို့ငှာ ထိုသို့သောနဗီတုများပေါ်ပေါက်လာပါက ဆန့်ကျင်ရန်ဖော်ပြထားသော်လည်း နဗီအစ ဝလီအဆုံးဖြစ်သည့် Prophet is elite wali ဆိုသည့်သဘောကိုမူ ဖွင့်ဟပြယုံတင်မက ကမ္ဘာ့နောက်ဆုံးနေ့များ၌ ပွင့်ပေါ်လာမည့် မဟ်ဒီမှာလည်း ကိုယ်တော်မြတ်(ဆွ)၏ ဥပဒေကို နောက်လိုက်ပြုမည့်တမန်တော်ဖြစ်ကြောင်း ဟောပြောခဲ့သည် ဆိုခြင်းပါပင်။
ကတိတော်လာမဆီဟ်နှင့် မဟ်ဒီဘွဲ့ခံအရှင်သူမြတ်(အ)အား စော်ကားမော်ကားဆဲရေး တိုင်းထွာနေသောသူများသည် အိဗ္ဗနေ့အာရဗီ(ရ.ဟ)၏ စာပေများကို Full Context ဖတ်ကာ သံဝေဂရယူရန်မကျိုးစားမူဘဲ ရှိတ်ခ်ကို မိမိတို့ဘက်အတင်းဆွဲယူရန် ကြိုးစားပါက ရှိတ်ခ်၏စာပေများထဲမှ contradictions များကို ထုတ်နုတ်ပြနေသလိုသာ ရယ်မောဖွယ်ဟာသတစ်ခုဖြစ်နေပါမည်။
ယခု ကတိတော်လာမဆီဟ်နှင့် မဟ်ဒီဘွဲ့ခံအရှင်သူမြတ်(အ)အား စော်ကားမော်ကားဆဲရေးတိုင်းထွာေ နသောသူပုဂ္ဂိုလ်ကြီး၏ out of context တစ်ခုအား တင်ပြပါအံ့။ ဖုသူဟတ်မက္ကီယာဟ် တွဲ ၁ စာ-၅၄၅ ပါ အောက်ပါစာသားများအတိုင်း အဓိပ္ပါယ် သက်ရောက်သည့် စာသားများအား ဖတ်ရှုခဲ့မိပါသလော။
တဖန်ဆက်လက်၍ ထိုသည့် အပုတ်ထုတ်၊ ကလိမ်စေ့ငြမ်းဆင်ထားမှုအား ဖြေထုတ်ပါရစေအုန်း။ ကျွန်တော့်အတွက်မှာမူ third party ဘာသာပြန်မှုအား အကယ်ပင်မကိုးကားလိုသော်လည်း ထိုထိုသော ပုဂ္ဂိုလ်ကြီးသည် ‘OUT OF CONTEXT’ လုပ်ကာ ပရိသတ်အား လှည့်စားသည်ကိုလည်းကောင်း၊ အာရဗစ်မတတ်ပါမူ၊ တတ်ကျွမ်းသည့်ဘာသာဖြင့် အစားထိုးမလေ့လာ၊ လေ့လာလျှင်လည်း ကုန်စင်အောင်မဖတ်ရှုထားသည်ဖြစ်၍ တတိယပါတီဘာသာပြန်အား ကိုးကားပါရစေအုန်း။
အေမာမ်မဟ်ဒီအား ကူညီကြမည့်သူများနှင့် ဆန့်ကျင်ကြမည့်သူများ
ပွင့်ပေါ်လာမည့် အေမာမ်မဟ်ဒီသည် တမန်တော်ဖြစ်မည့်အကြောင်း အိဗ္ဗနေ့အာရဗီ(ရ.ဟ)က ဖုသူဟတ်မက္ကီယာကျမ်းတွင် အောက်ပါအတိုင်း တင်ပြခဲ့သည်။
As for those things where he sees that (God) will not (ordinarily) respond to his prayer, he prays to Him, without any special pleading, to carry out (for him) the divine Argument (hujja) in this special case, 26 since the Mahdi is God's Argument for the people of his time, and that (i.e., his function as hujja) is part of the rank of the prophets and participates in that rank. God said: "[Say: 'This is my path:] I pray to God with inward vision, I and whoever follows me'" (Kor. 12:108). (God) reported that (to us) through His Prophet, and the Mahdi is among "those who follow him," because the Prophet does not err in his praying to God, nor does the person who follows him,27 since he follows the trace of (the Prophet's) footsteps. And that is what appears in the (hadith) report describing the Mahdi, that the prophet said: "He follows in the trace of my footsteps, and he does not err."28 This is the (inner state of) immunity from error ('isma) in praying to God, and it is attained by many of the saints, or indeed by all of them.29 (pg 10 - Chapter 366: Concerning Inner Knowledge of the Stage of the Helpers of the Mahdi (Who is to) Appear at the End of Time, Translated by James W. Morris.)
ပွင့်ပေါ်လာမည့် အေမာမ်မဟ်ဒီသည် ကျမ်းစာအသစ်ဆောင်ယူလာမည့်တမန်တော်မဟုတ်ဘဲ တမန်တော်မြတ်ကြီး(ဆွ)၏ နောက်လိုက်သာဖြစ်မည့် အကြောင်း အိဗ္ဗနေ့အာရဗီ(ရ.ဟ)၏ ဖုသူဟတ်မက္ကီယာကျမ်း၌ တင်ပြချက်။
God has bestowed on him. And this is why God's Messenger said, in describing the Mahdi, that "He follows in the trace of my footsteps, and he makes no mistake." Through this he informed us that (the Mahdi) is a follower (of the Prophet), not one who is followed (i.e., not a Messenger with a new revealed Law), and that he is (divinely) protected from error (ma'sum)78-- since the only (possible) meaning of someone's being protected from error is that they do not make mistakes. Thus if the Messenger (i.e., Muhammad) pronounced a judgment (in some matter), no mistake is ascribed to him, since “he does not speak from passion, but it is only an inspiration (wahy) inspired in him” (Kor. 53:3-4); and likewise analogical reasoning is not permissible in a place where the Messenger is to be found. (ibid pg 26 – 27)
(မူရင်းဘာသာပြန်)
ယခုကြည့်ကြပါ။ အိဗ္ဗနေ့အာရဗီ(ရ.ဟ) ၏ တင်ပြချက် အကီဒါဟ်များမှာ အဟ်မဒီယသ်ကတင်ပြသည့် အကီဒါဟ်များသာဖြစ်နေပေသည်။ အေမာမ်မဟ်ဒီပွင့်ပေါ်လာပါက သူသည်တမန်တော်ဖြစ်မည့်အကြောင်း၊ သူ့အား ဝဟီဗျာဒိတ်အားဖြင့်အသိပေးခြင်းခံရသဖြင့် သူသည် ထိုဗျာဒိတ်များအတိုင်း ဟောပြောလိမ့်မည့်အကြောင်းစသဖြင့် လင်းပြထားပေပြီ။
ပွင့်ပေါ်လာရန်ရှိသည့် မဆီဟ်နှင့်မဟ်ဒီတို့သည် ပုဂ္ဂိုလ်နှစ်ဦးဖြစ်မည်ဟု အကီဒါဟ်ထားရှိသူ ကတိတော်လာမဆီဟ်နှင့်မဟ်ဒီအားပျက်ရယ်ပြုနေသည့် ပုဂ္ဂိုလ်ကြီးအနေဖြင့် ယခု အိဗ္ဗနေ့အာရဗီ (ရ.ဟ)၏တင်ပြချက်ကြောင့် ဆရာသခင်ကြီးများလမ်းစဉ်အတိုင်း ရှိုက်ခ်အားဆဲရေးတိုင်းထွာတော့မည်လော။
ပွင့်ပေါ်ရန်ရှိသည့် အီစာ(အ)မှာ အဟောင်းအီစာဖြစ်၍ ခါ-သ-မ ကို(အသင့်အဓိပ္ပါယ်အတိုင်း) မထိခိုက်နိုင်ဟုဆိုသော် အိဗ္ဗနေ့အာရဗီ(ရ.ဟ)က မဟ်ဒီသည်လည်း တမန်တော်အဆင့်တွင်ရှိပြီဟုဆိုသောကြောင့် ကတိတော်လာမဆီဟ်နှင့်မဟ်ဒီအားပျက်ရယ်ပြုနေသည့် ပုဂ္ဂိုလ်ကြီးအနေဖြင့် အသို့လျှင်လှည့်ကွက်ဆင်လိမ်ဦးပါမည်နည်း။ တမန်တော်မြတ်(ဆွ)သည် အာဒမ်(အ)ရွံ့မြေဘဝထဲက ခါ-သ-မ နဗီယီးန်ဖြစ်နေပြီးဖြစ်ကြောင်း အိဗ္ဗနေ့အာရဗီ(ရ.ဟ)၏ ရေးသားမှုအား ထုတ်နုတ်ပြသရဦးမည်လော။
အေမာမ်မဟ်ဒီပွင့်ပေါ်လျှင် သူသည် မိမိကိုယ်ကို တမန်တော်အဖြစ်ကြွေးကြော်ပါက ဤနေ့ခေတ် အိုလမာများက သူ့ကို ကာဖဲရ်ဟုပြောမည်၊ မကြွေးကြော်ပါကလည်း ‘ အေမာမ်မဟ်ဒီသည် တမန်တော်ဖြစ်ရမည်၊ အဘယ်ကြောင့်ဆိုသော် တမန်တော်များကိုသာ ယုံကြည်ကြရန်ကျမ်းမြတ်ကုရ်အာန်က လမ်းညွှန်ထားပေရာ ယခုအေမာမ်မဟ်ဒီကမူ မိမိကိုယ်ကို တမန်တော်ဟုမကြွေးကြော်ပြန်လိုက်ပါလျှင်လည်း သူ(ကျွန်ုပ်တို့၏အကီဒါဟ်အား ပျက်ရယ်ပြုနေသူ၊ အိဗ္ဗနေ့အာရဗီ ရ.ဟနှင့် မော်လာနာရူမီ ရ.ဟ တို့အား လက်ခံသည်ဟု ကြွေးကြော်ထားသူ) သည် ကာဖဲရ်ဟု ပြောမည်မှာလည်း မြေကြီးလတ်ခတ်မလွဲပါပေ။
ထို့ကြောင့်ပွင့်ပေါ်လာမည့်အေမာမ်မဟ်ဒီသည် တမန်တော်မြတ်(ဆွ)၏ နောက်လိုက်တမန်တော်ဖြစ်မည်ဟု ဟောပြောခဲ့သော ၊ အစ္စလာမ်ကမ္ဘာ၏ ကြီးကျယ်လှသော သာသနာ့ပညာရှိကြီးလည်းဖြစ်၊ တမူထူးခြားသည့်ပုဂ္ဂိုလ်မွန်ကြီးလည်းဖြစ်သည့် အာဂပုဂ္ဂိုလ်ကြီး၏ ကလောင်မှ ကဗ္ပည်းထိုးခဲ့သော စာသားများကို Full Context လေ့လာဖတ်ရှုခြင်းအားဖြင့်နဗုဝသ်တွင် အစိတ်အပိုင်းအမျိုးမျိုးရှိကြောင်းနှင့် ရှရီအသ်သည်ပင်နဗုဝသ်မဟုတ်မူဘဲ ရှရီအသ်ပို့ချခြင်းမှာ နဗုဝသ်၏အစိတ်အပိုင်းများမှ တစ်ခုသာဖြစ်ကြောင်း တိကျခိုင်မာစွာ သိရှိနားလည်လေ့လာရပါ၏။
(မည်သူမဆိုကျွန်ုပ်တို့ဘက်မှ အိဗ္ဗနေ့အာရဗီ(ရ.ဟ)၏စာပေနှင့်ပတ်သတ်၍တင်ပြချက်ကို သံသယပွားခဲ့ပါလျှင် မိမိတို့ယုံကြည်သော မော်လဝီတစ်ဦးထံတွင် မေးမြန်းစုံစမ်းလျက် full context အားဘာသာပြန်ခိုင်းနိုင်ပါသည်။)
အိဗ္ဗနေ့အာရဗီ(ရ.ဟ)အား တမန်တော်မြတ်ကြီး(ဆွ) ကို နောက်ဆုံးတမန်တော်အဖြစ် ဟောပြောခဲ့သူ၊ တမန်တော်ဖြစ်ခွင့်အမျိုးအစားအားလုံးကို အဆုံးသတ်သူ အဖြစ်ဟောပြောခဲ့သူ စသဖြင့် အသို့လျှင်မလျော်မကန်စွပ်စွဲနိုင်ပါအံ့နည်း။ အာဒမ်(အ) ရွံ့မြေစေးဘဝကတည်းက ကိုယ်တော်မြတ်(ဆွ) တမန်တော်ဖြစ်နေပြီးဖြစ်၏ဟု တင်ပြသော ပုဂ္ဂိုလ်မွန်ကြီးအား ' ခါ-သ-မ နဗီယီးန်ဟူသည် နဗုဝသ်အမျိုးအစားအားလုံးကို အဆုံးသတ်သူ ' ဟု သက်ဝင်ယုံကြည်သူအဖြစ် အသို့လျှင်စွပ်စွဲနိုင်ပါအံ့နည်း။
အင်္ဂလိပ်တတ်ကျွမ်းပါ၏လော
ကျွန်တော့်အကီဒါဟ်ကို ပျက်ရယ်ပြုနေသူပုဂ္ဂိုလ်ကြီးက အိဗ္ဗနေ့အာရဗီ(ရ.ဟ)စီရင်သည့် ဖုဆုဆုလ်ဟကီမ်ကျမ်း၏ တတိယပါတီအင်္ဂလိပ် ဘာသာပြန်အား အဆုံးထိ Full Context ဖတ်ရှုပါသော် ရှိတ်ခ်သည် “Prophet is the elite wali” ဟူသည့်သဘောဖြင့် ဝလီများထဲ၌ နဗီအဖြစ်ရှိနေသေးနိုင်ကြောင်းဖြင့် ဖွင့်ဆိုရေးသားထားခြင်းဖြစ်သည်ကို လေ့လာတွေ့ရှိရပါသည်။
ကတိတော်လာမဆီဟ်နှင့်မဟ်ဒီဘွဲ့ခံအရှင်သူမြတ်အား ဆဲရေးတိုင်းထွာနေသော ပုဂ္ဂိုလ်ကြီးကိုယ်တိုင် bold ပြုလုပ်ထားသော third party အင်္ဂလိပ်ဘာသာပြန်ကို ယခုရှုစားကြည့်ပါ။
“As for the prophethood of law-giving and the Message, it is intersected, and it was cut off in Muhammad, peace be upon him. There will be no Prophet after him, either giving law or bound by law. There is no Messenger after him, and he is the lawgiver. ……… 9 Allah says, "Allah is the Wali of those who believe," (2:257) and He says, "He is the Wali, the Praiseworthy." (42:28) This name, "wali", continues to be applied to the slaves of Allah both in this world and the Next. A name which is particular to the slave and not to Allah no longer remains since prophethood and the message have been cut off. "Allah is gentle to His slaves," (42:19) so they still have the general prophethood in which there is no law (shari'a), and they still have the law in striving in the confirmed ordinances. They still have heirs in the laws.”
ထူးဆန်းပေစွ၊ ကျွန်ုပ်ယခုမျဉ်းသားပြထားသော “Allah says, "Allah is the Wali of those who believe," (2:257) and He says, "He is the Wali, the Praiseworthy." (42:28)” ကို bold မလုပ်ပြသွားခဲ့ချေ။ အသို့နည်း၊ အသင့်တွင်ငြင်းစရာမရှိသဖြင့် ပြောင်းပြန်စွပ်စွဲကာ ပရိသတ်အားလှည့်စားဘိသလော။
သို့မဟုတ်ပရိသတ်၏လက်ခုပ်လက်ဝါးသံညံစေရန်အတွက် insult အရေးအသားများများဖြင့် စီကာပတ်ကုံးကာ လိုရာစွဲတုန့်ပြန်ခြင်းလော။ ယခုကျွန်ုပ်မျဉ်းသားပြထားသောစာသားနှင့် အသင်ကိုယ်တိုင်တတိယပါတ ီရည်ညွှန်းအနေဖြင့်တင်ပြထားသော အထက်ပါ အင်္ဂလိပ်ဘာသာစာပိုဒ်ကို အထပ်ထပ်ဖတ်ခါ ဆင်ခြင်ကြည့်စမ်းပါ။ ရှိတ်ခ်ဆိုလိုသည့် ဝလီ၏အထွတ်အထိပ်သည် နဗီ၊ prophet is elite wali ဆိုသည်ကို အသင်အထပ်ထပ်ဆင်ခြင်ပါလေ။ အသင်သည်ရှိတ်ခ်၏ ခက်ခဲနက်နဲသော ဒဿနမှ အဆီအနှစ်ကို အလ္လာဟ်အားပျပ်ဝပ်ခြင်းဖြင့်သာ ရနိုင်မည်ဆိုသည်အား မသိရှိသူသာတည်း။
ကတိတော်လာမဆီဟ်နှင့်မဟ်ဒီဘွဲ့ခံအရှင်သူမြတ်အား ဆဲရေးတိုင်းထွာနေသော ပုဂ္ဂိုလ်ကြီး၏ တင်ပြမှုမှာ -
"Allah is gentle to His slaves," (42:19) so they still have the general prophethood in which there is no law (shari'a), and they still have the law in striving in the confirmed ordinances. They still have heirs in the laws. The Prophet said, "The 'ulama' (men of knowledge) are the heirs of the Prophets."10 The only inheritance here is that they strive with the ordinances, and so they legislate them. Reference: http://bewley.virtualave.net/fusus14.html
အမှန်စင်စစ် ရှိုင်ခ်အိဗ်နုအာရဗီသည် ကိုယ်တော်မြတ် (ဆွ) နောက် မည်သည့်တမန်တော်အသစ်မျှ ပွင့်မည်မဟုတ် ၊ မည်သည့် သတင်းစကား အသစ်ကိုဆောင်ယူလာသူ ရှိမည်မဟုတ် ၊ သို့ရာတွင် ဝိလာယသ် (ဝလီသူတော်စင်တို့၏ပွင့်ပေါ်မှု) မှာကား ကျန်ရှိနေသေးသည်ဟုသာရေးသားထားခြင်း ဖြစ်သည်။ သို့ရာတွင် ရှိုင်ခ်က ဝလီသူတော်စင် တို့အလ္လာဟ်အရှင်မြတ်ထံတော်မှ ရရှိသည့် ကရှ်ဖ် နှင့်အိလ်ဟာမ် တို့ကို နုဗူဝသ် ၏ အစိတ်အပိုင်းအဖြစ် ဖော်ပြထားခြင်းသာဖြစ်သည်။ နဗီတမန်တော် တို့၏ ဝဟီ သတင်းစကားတာဝန် နှင့် ဝလီသူတော်စင်တို့၏ ကရှ်ဖ် ၊ အိလ်ဟာမ်တို့၏ခြားနားချက် အကြောင်းအသေးစိတ်ကို ဖုသုဟားသ်အလ်မက္ကီယာနှင့် ဖုစူစုလ်ဟိကာမ် တို့တွင် ရှိုင်ခ်အိဗ်နုအရဗီက အကျယ်တဝင့်ရှင်းလင်းပြထားလေသည်။ ဤသည်ကို မိရ်ဇာအီတို့ကဖြတ်ညှပ်ကပ်လုပ်၍..... အောက်တန်းကျပေစွ။” ဟူ၍ဖြစ်ပါသည်။
Out of Context ယူထားပြီး ပြောင်းပြန်စွပ်စွဲထားလင့်ကစား ရှိတ်ခ်၏ စာသားကို ချန်မထားခဲ့သည်ကိုပင် ကျေးဇူးတင်ရပေချိမ့်။ so they still have the general prophethood in which there is no law ဆိုသည်ကပင် ရှိတ်ခ်၏ နဗီအစ ဝလီအဆုံးသဘောတင်ပြချက် Prophet is the elite wali ကို လင်းထင်းနေစေပြီဖြစ်သည်။ (ထိုကဲ့သို့ အန္ဓများ၏လုပ်ရပ်ကို တင်ကြိုကာကွယ်သည့်အနေဖြင့် ကျွနု်ပ်၏ ‘ခါတမေနဗူဝသ်နှင့်စပ်လျဉ်း၍ ရှေးပညာရှိတို့၏ လင်းပြချက်များ’ ပို့စ်တွင် အိဗ္ဗနေ့အာရဗီ(ရ.ဟ)၏စာပေများအား ကိုးကား၍ နောက်မှ ထပ်ချပ်မကွာလိုက်ကာ ‘ဟာဇရသ် ပီရေပီရားန် ဆိုင်ယဒ်အဗ္ဗဒုလ်ကာဒီရ် ဂျီလာနီ ကွတ်ဒူးစ် ဆီရ်ဟု (ဟစ်ဂျရီ ၅၆၂ ကွယ်လွန်) သခင်ကြီး’ ၏ အဆိုအမိန့်အား ကိုးကားထားသည်ကို တွေ့ရှိရပေလိမ့်မည်။) တမန်တော်မြတ်(ဆွ)သည် တမန်တော်ဖြစ်ခွင့်ရှိခြင်းကို အဆုံးသတ်ခဲ့လင့်ကစား ၄၉း၁၉ အရ အလ္လာဟ်အရှင်မြတ်က မိမိ၏ကျေးကျွန်များအား ကျေးဇူးပြုတော်မူသည့်အနေဖြင့် general prophethood ရှိမည်ဟု ရေးသားထားသည်ကို ပုဂ္ဂိုလ်ကြီးက “ကိုယ်တော်မြတ် (ဆွ) နောက် မည်သည့်တမန်တော်အသစ်မျှ ပွင့်မည်မဟုတ် ၊ မည်သည့် သတင်းစကား အသစ်ကိုဆောင်ယူလာသူ ရှိမည်မဟုတ် ၊ သို့ရာတွင် ဝိလာယသ် (ဝလီသူတော်စင်တို့၏ပွင့်ပေါ်မှု) မှာကား ကျန်ရှိနေသေးသည်ဟုသာရေးသားထားခြင်း ဖြစ်သည်။” ဟု Prophet is elite wali ထိမဖတ်ဘဲ မိမိအယူကို အတင်းအဓမ္မ လိုက်ညှိယူထားသည်မှာ ရှက်ဖွယ်လိလိ သူခိုးလူဟစ်လုပ်ရပ်ပါပေ။ အိဗ္ဗနေ့အာရဗီ(ရ.ဟ)တည်းဟူသော တောင်ရှင်ယာရှင်ကြီးကို မျောက်စုတ်ကမောင်းထုတ်သည့်အဖြစ်ပါပင်။
ရှိတ်ခ်၏
ဤစာသားကို မည်သို့ဖွင့်ဆိုပါအံ့နည်း။ ရှိတ်ခ်ကိုယ်တိုင်က မိမိသည် ဝဟီဗျာဒိတ် (REVELATIONS) များရရှိကြောင်း ဟောပြောထားခဲ့သည့်အကြောင်း ကျွန်ုပ်ဖော်ထုတ်ပြသဖို့ လိုအပ်ပါသေးသလော၊ ရှိတ်ခ်ကိုယ်တိုင် မိမိကိုယ်ကို ခါ-သ-မ အောင်လိယာဟ်(Seal of the Saints)ဟု ကြေညာခဲ့သည်ကို ကျွန်ုပ်ထုတ်ပြဖို့လိုအပ်ပါသေးသလော၊ မိမိကိုယ်ကို ခါ-သ-မအောင်လိယာဟ်ဟု ကြေညာထားသူအား ဝလီအောင်လိယာဟ်စနစ်ရှိနေသေးကြောင်း ရေးသားတင်ပြသူအဖြစ် အသင်က ရှိတ်ခ်အားရည်ညွှန်းဆိုသော် အသင်၏ ခါ-သ-မ နဗီယီးန်အား အလွဲဖွင့်ဆိုနေမှုကို အနည်းငယ်မျှပင် သုံးသပ်ခဲ့ပါ၏လော၊ ရှိတ်ခ်၏ FULL CONTEXT ဆိုလိုရင်းကို မိမိဘာသာ သဘောပေါက်နားလည်ရန်ကြိုးစားပြီး လိမ်လည်မှုများအား ရပ်တန့်ထိုက်ပါသလော။
တကယ်တမ်းတော့ အသင်သည် ရှိတ်ခ်၏စာပေများအား မဆည်းပူးခဲ့ဘူးပါလျက် ၊ ရှိတ်ခ်၏ မက္ကာတွင်ရှိနေစဉ်ကာလ အဖြစ်အပျက်များကို မသိရှိသေးပါဘဲလျက်အာဂသူတော်စင်ကြီးအား အလိုကျအသုံးတော်ခံခိုင်းခဲ့သည်မှာ ရှက်ဖွယ်လိလိလုပ်ရပ်သာတည်း။
ရှိတ်ခ်က မိမိကိုယ်ကို ခါ-သ-မ အောင်လိယာဟ်ဟု ကြေညာခဲ့ကြောင်း အသင့်နံဘေးရှိ ဘေးတီးများအား ရှင်းလင်းပြရင်း ခါ-သ-မ အောင်လိယာဟ်သည်လည်း ဝလီဖြစ်ခြင်းကို အဆုံးသတ်သူဟု အဓိပ္ပါယ်ရကြောင်း ဝသီအတိုင်း မုသာသုံးလျက် မိုက်ရိုင်းပြုမူ တံခွန်ထူပြလိုက်စမ်းပါအုန်း။ (အအူးဇိုဘိလ္လာဟိ အာန်အကူးနာ မိနာလ် ဂျာဟီလီးန် )
ရေဆေးငါ:ကြီးလွတ်လေပြီ
ကျွန်တော့်အကီဒါဟ်ကို ပျက်ရယ်ပြုနေသူပုဂ္ဂိုလ်ကြီးက ကျမ်းမြတ်ကုရ်အာန်အားဖြင့် အဟ်မဒီယသ်အား မယှဉ်နိုင်မှန်းသိရှိလေသောအခါ မိမိစိတ်တွင်းမှ အလျဉ်းယုံကြည် မှုမရှိပါဘဲ လျက် မဆ်နဝီကျမ်းကြီးများ၊ ဖုသူဟတ် အလ်မက္ကီယဟ်နှင့် ဖုဆုဆုလ်ဟကီမ်စသည့် အများလက်လှမ်းမမှီသည့် အကျော်ဒေးယျကျမ်းမဟာများကို BIG ISSUE လုပ်ကာလိမ်ကွက်ဆင်လှည့်ပတ်ပါလေတော့သည်။
သို့သော် ရေဆေးငါးကြီးဖမ်းမိသလိုလိုဟန်နှင့် အာရဗီ၊ အူရဒူနှင့် အင်္ဂလိပ်တို့ကို အခြေခံအဆင့် ကကြီး ခခွေးသာတတ်မြောက်ကြောင်း လှစ်ဟပြပုံအား မသိကျေးကျွံပြုချင်ပါသော်လည်း အမှန်တရားအတွက် ဖော်ထုတ်ပါရစေဦး။
အိဗ္ဗနေ့အာရဗီ(ရ.ဟ) အား မိမိဘက်အတင်းဆွဲရင်းလူတောတိုးဖို့ကြိုးစားရှာသော်လည်း အိဗ္ဗနေ့အာရဗီ(ရ.ဟ) မှာ ပုဂ္ဂိုလ်ကြီးတို့ ‘ ရုပ်ပိုင်းဆိုင်ရာအားဖြင့် ကောင်းကင်သို့ပင့်တင်ခြင်းခံရသည့် အီဆာ(အ) ’ အား ပင့်တင်ခြင်းဆိုသည်မှာ ဝိညာဉ်ရေးရာနာမ်သဘောဖြစ်ကြောင်း တင်ပြခဲ့သည်ဖြစ်၍ အဟ်မဒီယသ်၏ အကီဒါဟ်အား တထေရာတည်းဆိုသလို ထပ်တူထပ်မျှအကီဒါဟ်ထားရှိသည့် သူတော်စင်ကြီးပါပင်။
ကွန်ုပ်၏အကီဒါဟ်ကို ပျက်ရယ်ပြုနေသူပုဂ္ဂိုလ်ကြီးက တစ်နေရာတွင် ပြန်လည်ကြွမြန်းလာမည့် အီဆာ(အ)မှာ တမန်တော်အနေနှင့်သာပြန်လာမည်ဟု မိမိကိုယ်တိုင် လေးစားအားကျခိုးချနေသည့် ဆရာသခင် ဇာကိရ်နိတ်ဆာဟိဘ်အား ဆန့်ကျင်၍ု ဆိုထားပေရာ ယခု အိဗ္ဗနေ့အာရဗီ(ရ.ဟ) ကိုယ်တိုင်ကပင် အဟ်မဒီယသ်၏ အကီဒါဟ်အတိုင်း အီဆာ(အ)မှာ ကောင်းကင် သို့ ရုပ်ပိုင်းဆိုင်ရာအတိုင်း ပင့်မခံရခြင်းမဟုတ်ကြောင်း လင်းပြထားပေရာ အသို့နည်း၊ ကွန်ုပ်၏အကီဒါဟ်ကို ပျက်ရယ်ပြုနေသူ ပုဂ္ဂိုလ်ကြီး အိဗ္ဗနေအာရဗီ(ရ.ဟ) အား အစကတည်းက ဆရာသခင်ကြီးများလမ်းစဉ်အတိုင်း ကာဖဲရ်ဟု ကြေညာခဲ့လျှင်ကောင်းလေစွ ဟု နောင်တရခဲ့ပါမူ……
သို့ကြောင့် ဂျူးများအတွက်သီးသန့်ဖြစ်သည့် တမန်တော်အီဆာ(အ)မှာ ကောင်းကင်ယံတွင် အသက်ရှင်လျက်မရှိတော့ပြီဖြစ်သဖြင့် ပြန်လည်ကြွမြန်းလာမည့် အီဆာ(အ)မှာ မူရင်းအီဆာ(အ)၏ အသွင်ဆောင် အခြားတမန်တော်အဆင့်ရ ပုဂ္ဂိုလ်သာဖြစ်ချိမ့်မည်ဟု (အိဗ္ဗနေ့အာရဗီ(ရ.ဟ)အား နောက်လိုက်ပြုလိုပါသော်) ဝန်ခံလိုက်ပါလေ။
(မှတ်ချက်၊ အိဗ္ဗနေ့အာရဗီ ရ.ဟ အားစလဖီဆရာသခင်ကြီးများက ကာဖဲရ်ဖသ်ဝါထုတ်ထားသည့် အကြောင်းချင်းရာများကို Sheikh Muhammed Salih Al-Munajjid အစရှိသောသူများ၏ တရားဝင်ဝက်ဘ်ဆိုဒ်များတွင် ရှုစားကြပါရန်။)
သို့ကြောင့်အလ္လာဟ်အရှင်မြတ်က -
“ထိုမှတစ်ပါး ဧကန်မလွဲ (နဗီတမန်တော်) ယူစွဖ်သည် အသင်တို့ထံ ရှေးဦးမဆွက သက်သေ အထောက်အထားများယူဆောင်ခဲ့လေ၏။ သို့ရာတွင် အသင်တို့သည် ထို(နဗီတမန်တော်)ယူစွဖ် ယူဆောင်ခဲ့သည်တို့နှင့်စပ်လျဉ်း၍ ဒွိဟသံသယ၌ပင် ရှိမြဲရှိနေခဲ့ကြကုန်၏။ နောက်ဆုံးတွင် အသင်တို့သည် ထို(နဗီတမန်တော်)ယူစွဖ် ကွယ်လွန်ခဲ့လေသောအခါအလ္လာဟ်အရှင်မြတ်သည် ထို(နဗီတမန်တော်)ယူစွဖ်၏ နောက်တွင် မည်သည့်ရစူလ်တမန်တော်တစ်ပါးကိုမျှပင် အလျင်းစေလွှတ်တော်မူမည်မဟုတ်ဟု ပြောဆိုခဲ့ကြကုန်၏။ ဤနည်းအတိုင်းပင် အလ္လာဟ်အရှင်မြတ်သည် စည်းကမ်းကျူးလွန်သူ၊ဒွိဟသံသယ၌ရှိနေသူအား လမ်းမှား၌ပင် ရှိနေစေတော်မူ၏။ အကြင် (စည်းကမ်းကျူးလွန်သူ၊ ဒွိဟသံသယ၌ရှိနေ)သူတို့သည် မိမိတို့ထံ မည်သည့် သက်သေအထောက်အထားအကြောင်းပြချက် တစ်စုံတစ်ရာမျှပင် ရောက်လာခဲ့သည် မရှိဘဲလျက် အလ္လာဟ်အရှင်မြတ်၏ သက်သေလက္ခဏာတော်များနှင့် စပ်လျဉ်း၍ အငြင်းအခုန် ပြုကြကုန်၏။ (ဤသည်) အလ္လာဟ်အရှင်မြတ်အထံ၌လည်းကောင်း၊ ‘မုအ်မင်န်’သက်ဝင်ယုံကြည်သူတို့၏ထံတော်၌လည်းကောင်း၊ စက်ဆုပ်မှုအားဖြင့် လွန်စွာကြီးကျယ်လှ၏။ အလ္လာဟ်အရှင်မြတ်သည်ဤနည်းအတိုင်းပင် ဘဝင်မြင့်မာန်မာန ထောင်လွှားသူ၊ လွန်စွာဆိုးသွမ်းသူ၏ စိတ်နှလုံးတစ်ခုလုံးပေါ်ဝယ် တံဆိပ်ခတ်နှိပ်တော် မူပေသတည်း။” (အလ်ကုရ်အာန် ၄၀း၃၄၊၃၅ ဃာဇီဟာရှင်မ်ဆာဟိဘ်မြန်မာပြန်မှ)
အို-ကတိတော်လာမဆီဟ်နှင့် မဟ်ဒီဘွဲ့ခံအရှင်သူမြတ်(အလိုင်စလာမ်)အား ဆဲရေးနေသူ၊ အသင်ကိုယ်တိုင်ပင် အစ္စလာမ်၌ ကုရ်အာန်၊ စွန်နသ်၊ ဟဒီးဆ် စသည့်အတိုင်း အဆင့်များရှိရာ ကုရ်အာန်ကျမ်းမြတ်ပါ အချက်အလက်များကို တွေ့ရှိရပြီးဖြစ်ပါလျှင် အောက်သို့တဆင့်ဆင်း၍ စွန်နသ်၊ ဟဒီးဆ် နှင့် အခြားသူတော်စင်ကြီးများ၏စာပေများတွင် ဆက်လက်ရှာဖွေပြီးမှ လက်ခံဖို့ အကီဒါဟ် ထားရှိလေသလော။ သို့ဆိုလျှင် ရှိစေတော့။ (အအူးဇိုဘိလ္လာဟိ အာန်အကူးနာ မိနာလ် ဂျာဟီလီးန် )
မိတ်ဆွေတို့ - ရှုကြည့်ကြပါလေ၊ မိမိခေတ်ကာလရှိ မိုနာဒီ၊ ကြေညာသူအား ‘သအားဝနူး အလလ်ဘိရ်ရေ့ဝါ သက္ကဝါ’ အမှုကို မပြုဘဲ ငြင်းပယ်ကန့်ကွက်ပျက်ရယ်ပြု စော်ကားဆဲရေးနေခြင်းမှာ အဘူဂျဟလ် ကတောင်လက်မှိုင်ချရလောက်ပါပေသကော။
မှတ်ချက်။ ။ ယနေ့ ကမ္ဘာကျော် အဟ်မဒီမဟုတ်သော အိုလမာပညာရှင်တစ်ဦးဖြစ်သည့် ဂျာဝုဒ်အဟ်မဒ်ဂမ်ဒီ (အလ်မောင်ရိဒ် တက္ကသိုလ်အား စတင်တည်ထောင်ထားသော ပညာရှင်)၏ ‘Ibn Arabi R.A ၏ အကီဒါဟ်မှာ အဟ်မဒီများ၏အကီဒါဟ်နှင့် တထပ်တည်းဖြစ်ကြောင်း’ တင်ပြထားချက် ဗွီဒီယိုဖိုင်အား တဆက်တည်းတင်ပြထားပါသည်။
No comments:
Post a Comment