နောက်ဆက်တွဲ (ဂ)

ခါတမန်နဗီယီန်းနှင့် ကျွန်ုပ်တို့၏ယုံကြည်ချက်ကို တင်ဆက်ပြီးနောက်ပိုင်း နောက်ဆက်တွဲ high light များကို 'ခါတမန်နဗီယီန်းနှင့် ကျွန်ုပ်တို့၏ယုံကြည်ချက်' ဆွေးနွေးမှုထဲမှ ထုတ်နုတ်တင်ဆက်သွားပါမည်။

ကျမ်းမြတ်ကုရ်အာန်တွင် အလ္လာဟ်အရှင်မြတ်က ကေယာမတ်နေ့တိုင်တည်ရှိကြမယ့် “မုအ်မင်န်” သက်ဝင်ယုံကြည်သူတို့ကို-

    “အသင်တို့သည် တစုံတရာကိစ္စနှင့်စပ်လျဉ်း၍ အငြင်းပွားခဲ့ကြသော်၊ အသင်တို့သည်အလ္လာဟ်အရှင်မြတ်ကိုလည်းကောင်း၊ နောက်ဆုံးနေ့ကိုလည်းကောင်း၊ သက်ဝင်ယုံကြည်ကြပါလျှင် ထိုကိစ္စကိုအလ္လာဟ်အရှင်မြတ်အထံတော်သို့လည်းကောင်း၊ ရစူလ်တမန်တော်၏ထံသို့လည်းကောင်း၊ ပြန်လည်၍ ပို့သကြလေကုန်။ ” (၄း၅၉) လို့ လမ်းညွှန်မိန့်ကြားထားတော်မူပါတယ်။

    ဒါ့အပြင် အဲ့ဒီအာယတ်တော်ရဲ့အောက်ခြေမှာလည်း  (၁) ““မိမိတို့အချင်းချင်း အငြင်းပွားသောပြဿနာကို အလ္လာဟ်အရှင်မြတ်ထံတော်သို့  လွှဲအပ်ခြင်းဟူသည်  အလ္လာဟ်အရှင်မြတ်၏ ကျမ်းမြတ်နှင့်အညီ လိုက်နာကျင့်သုံး ခြင်းကိုဆိုလိုသည်။ တမန်တော်မြတ်(ဆွ)ထံသို့ လွှဲအပ်ခြင်းဟူသည် တမန်တော်မြတ်(ဆွ) သက်တော်ထင်ရှား ရှိစဉ်က တမန်တော်မြတ်(ဆွ) ထံသို့ ချဉ်းကပ်၍ တမန်တော်မြတ်(ဆွ) ၏ အမိန့်သြဝါဒနှင့်အညီ လိုက်နာကျင့်သုံးခြင်းကိုလည်းကောင်း တမန်တော်မြတ်(ဆွ) ကွယ်လွန်အနိစ္စရောက်ပြီး နောက်တွင်မူ တမန်တော်မြတ်(ဆွ) ၏ “ဟဒီးဆ်” သြဝါဒတော်များနှင့်အညီ လိုက်နာကျင့်သုံးခြင်းကိုလည်းကောင်း ဆိုလိုသည်”   လို့ရှင်းလင်းပြထားပါတယ်။ (ဃာဇီဟာရှင်မ်ဆာဟိဘ် + ၁ ကုရ်အာန်ကျမ်းမြတ် မြန်မာ ဘာသာပြန် တွဲ(၁)၊ စာ(၄၅၉)အောက်ခြေ-၁၂၈)

وَكَذٰلِكَ نُصَرِّفُ الْاٰيٰتِ وَلِيَقُوْلُوْا دَرَسْتَ وَلِنُبَيِّنَهٗ لِقَوْمٍ يَّعْلَمُوْنَ

    “၎င်းပြင် ဤနည်းအတိုင်းပင် ငါအရှင်မြတ်သည် သက်သေ လက္ခဏာတော်များကို အမျိုးမျိုးအဖုံဖုံ ရှင်းလင်းပြတော်မူသည်။” (၆း၁၀၅)

    “နုဆွရ်ရိဖုလ်အာယာတိ” ၊ အာယတ်တော်များကို ထပ်ခါထပ်ခါ ပြောင်းကာ လှည့်ကာ တကြော့ပြီးတကြော့  နားလည်သဘောပေါက်ကြရလေအောင် အရှင်မြတ်က ရှင်းလင်းပြတော်မူပါတယ်။

ကျမ်းမြတ်ကုရ်အာန်နဲ့ပတ်သက်လို့ အဲ့သလိုအကြောင်းအရာကို လင်းဝင်းထင်ရှားရှင်းလင်းစွာ သိရှိရလေအောင် နေရာများစွာတို့မှာ ထပ်ခါထပ်ခါ တစ်ကြော့ပြီးတစ်ကြော့ ရှင်းလင်းဖော်ပြရုံမည်ကာမတ္တမဟုတ် “အမှား” မုသားဆိုလျှင် ရှေ့မှရော နောက်မှပါ ဘယ်လိုမှ ဝင်လို့မရတဲ့ ကျမ်းဖြစ်ကြောင်း ထင်ရှားသိသာပါလျှက်နဲ့ ကျွန်တော်တို့ အနေနဲ့ “အာဓိကဝိကြီး” များဖြစ်ကြတဲ့ ရှေးဦးသာသနာ့ ပညာရှင်ကြီးများရဲ့ အဆိုအမိန့်ဖြစ်တဲ့။

    “အလ်ကုရ်အာနုယုဖတ်ဆေရု ဘာအ်ဒွဟူဘာအ်ဒွါန်”

“ကုရ်အာန်ကို ကုရ်အာန်ကသာ တိတိကျကျအနက်ဖွင့်ပေးသည်” ဆိုတဲ့စကားကို အလေးထားပြီး အာယတ် တစ်ခုကို အခြားအာယတ်တစ်ခုထက်မနည်းတဲ့ အထောက်အထားများဖြင့် တင်ပြနေတာကို ကပြက်ယပြက်လုပ်ပြီး မထင်မရှားဖြစ်အောင် ပြုလုပ်ပါလျှင် ----------------------------

ဒါကြောင့် ကျွန်တော်တို့အနေနဲ့ တမန်တော်မြတ်ကြီး(ဆွ) အား၊ “အန္တိမတမန်တော်” လို့ဘွဲ့နာမည်ပေးထိုက်၊ မပေးထိုက်ဆိုတာနဲ့ ပတ်သက်ပြီး အရှင်မြတ်ရဲ့ မုက္ခပါဌ်တော်(၄း၅၉)ကို ဦးထိပ်ထားနာခံသောအားဖြင့် အဖြေရှာကြရမှာ ဖြစ်ပါတယ်။

    တမန်တော်မြတ်ကြီး(ဆွ)  က“နဗူဝသ်ကို အဆုံးသတ်သူ” “တမန်တော်အားလုံး၏ နောက်ဆုံး (အန္တိမ) အဆုံးသတ် အဖြစ်ရွေးချယ်စေလွှတ်ခြင်းခံရပြီး သူ့နောက် နောက်ထပ်တမန်တော်တစ်ပါးမှ လာစရာအလျင်းမရှိတော့တဲ့ “အန္တိမ အဆုံးစွန်” ဖြစ်ခဲ့ပါလျှင် အဲ့ဒီ “ခါတမန်နဗီယီးန်” အာယတ်တော်ပါရှိတဲ့ စူရာဟ်(ကဏ္ဍ) မှာပဲ ခုလိုအာယတ်တော်မျိုးကို ဘာပြုလို့ချပေးထားတော်မူရတာလည်း။

'' ၎င်းပြင် (ပြန်လည်သတိရပါလေ) တစ်ရံရော အခါဝယ် ငါအရှင်မြတ်သည် နဗီတမန်တော်တို့ထံမှ ပဋိညာဉ် ဝန်ခံချက်ကို ယူတော်မူခဲ့၏။ (ထိုတမန်တော်များတွင်) အသင် (တမန်တော် မူဟမ္မဒ်သခင်) ထံမှလည်းကောင်း “နူဟ်” ထံမှလည်းကောင်း၊ “အိဗ်ရာဟီမ်” ထံမှ လည်းကောင်း၊ “မူစာ” ၏ ထံမှလည်းကောင်း၊ “မရ်ယမ်” ၏သားတော် “အီစာ” ၏ထံမှလည်းကောင်း (ပဋိညာဉ်ကို) ယူတော်မူခဲ့၏။ စင်စစ်ငါအရှင်မြတ်သည် ၎င်းတို့ထံမှ ခိုင်မာသော ဝန်ခံချက်ကို ယူတော်မူခဲ့၏။     (ယင်းကဲ့သို့ ပဋိညာဉ် ယူခဲ့တော်မူခြင်းမှာ) ထိုအရှင်မြတ်သည် သစ္စာဝါဒီတို့အား (ကိယာမတ် ရှင်ပြန်ထမည့် နေ့တွင်) ၎င်းတို့၏ သစ္စာရှိမှုနှင့် စပ်လျဉ်း၍ စစ်ဆေးမေးမြန်းတော်မူအံ့သောငှာ ဖြစ်ပေသည်။ စင်စစ်သော်ကား ထိုအရှင်မြတ်သည် ငြင်းပယ် ကြကုန်သော သူတို့အဖို့ ပြင်းပြနာကျင်ဖွယ်ဖြစ်သော ပြစ်ဒဏ်ကို အဆင့်ဆင့်ပြုလုပ်ရန် ထားရှိတော်မူလေသတည်း။ '' (၃၃း၇-၈)

ဒီအာယတ်တော် (၃၃း၇)ကို ဃာဇီမူဟမ္မဒ်ဟာရှင်မ်ဆာဟိဘ်ပြုစုသည့် “ကုရ်အာန်ကျမ်းမြတ်” ၏ အလင်းပြကျမ်း အစောင်(၂၁) စူရာဟ် (၃၃) စာမျက်နှာ ၂၄၉ မှ အောက်ခြေအမှတ် (၃၀၆၇) မှာ ထိုအကြောင်း (၃း၈၁) တွင် ပါဝင်ခဲ့ချေပြီ အောက်ခြေအမှတ် (၆၁၇) ကို ရှုပါကုန်လို့ ဖော်ပြထားတဲ့အပြင် King Fahd Holy Quarn Printing Complex The Holy Quran English Translation of Meanings and Commentary P.1240  အောက်ခြေအမှတ် ၃၅၇၇- မှာရော စူရာဟ်(၃) အာယတ်တော် (၈၁)ကိုပဲ ညွှန်းဆိုဖော်ပြထားတာကို မြင်တွေ့ ကြရပါတယ်။

    ဒီတော့ စူရာဟ်(၃) အာယတ်တော် (၈၁)ကို ဆော်ဒီအခွင့်ရ ကျမ်းမြတ်ကုရ်အာန်မြန်မာပြန်ဆိုသူ ဃာဇီဆာဟိဘ်ညွှန်းတဲ့အတိုင်း ကြည့်တဲ့အခါ အလ္လာဟ်အရှင်မြတ်က အရှင့််စွန္နတ်တော်ဓမ္မ နိယာမ အစဉ်အလာကြီးဖြစ်တဲ့ တမန်တော်ခန့်ထားခြင်း အဓွန့််ရှည်တည်တံ့ခိုင်မြဲရေး ကိစ္စကို နဗီတမန်တော်အသီးသီးတို့ထံမှ ခုလို ကတိဝန်ခံချက် ပဋိညာဉ်အကြောင်းကို ကွင်းကွင်းကွက်ကွက် ထင်ထင်ရှားရှားဖော်ပြထားတာကို မြင်တွေ့ကြရပါတယ်။

''ထိုမှတစ်ပါးထုံ (ပြန်လည်အောက်မေ့သတိရကြကုန်) တစ်ရံရောအခါဝယ် အလ္လာဟ်အရှင်မြတ်သည် နဗီတမန်တော်များထံမှ ပဋိညာဉ်ဝန်ခံချက်ကို (ဤသို့) ယူတော်မူလေသည်။ (အို-နဗီတမန်တော်အပေါင်းတို့) ဧကမလွဲ ငါအရှင်မြတ်သည် အသင်တို့အား ကျမ်းဂန်ကိုလည်းကောင်း၊ ဉာဏ်ပညာအမြော်အမြင်ကိုလည်းကောင်း၊ ပေးသနား တော်မူပြီးနောက် အသင်တို့လက်ဝယ်ရှိနှင့်ပြီးဖြစ်သော ကျမ်းဂန်များကို ထောက်ခံသော ရစူလ်တမန်တော် တစ်ပါးပါးသည် အသင်တို့ထံရောက်ရှိလတ်သော် အသင်တို့သည် ထိုရစူလ်တမန်တော်ကို (မိမိတို့စိတ်တွင်းမှ) မုချယုံကြည်ကြရပေမည်။ ၎င်းပြင် ထိုရစူလ်တမန်တော်ကို ကာယကံမြောက်လည်း အားပေးကူညီကြရမည်။ ထို့နောက် အလ္လာဟ်အရှင်မြတ်က (အို-နဗီတမန်တော်အပေါင်းတို့) အသင်တို့သည် ဝန်ခံကြပြီလော။ ယင်းကိစ္စနှင့်စပ်လျဉ်း၍ အသင်တို့သည် ငါအရှင်မြတ်၏ ပဋိညာဉ်တော်ကိုလည်း လက်ခံကြပြီလော ဟု မေးမြန်းတော်မူ၏။(ထိုအခါ နဗီတမန်တော် အပေါင်းတို့က) ကျွန်တော်မျိုးတို့သည် ဝန်ခံကြပါပြီ ဟု တင်လျှောက်ကြလေသည်။(ထိုအခါအလ္လာဟ်အရှင်မြတ်က) သို့ဖြစ်လျှင် အသင်တို့သည် (ဤပဋိညာဉ် ဝန်ခံချက်နှင့် စပ်လျဉ်း၍) အသိသက်သေများဖြစ်ကြကုန်။ ငါအရှင်မြတ်သည်လည်း အသင်တို့နှင့်အတူ အသိသက်သေများအနက် အပါအဝင်ဖြစ်တော်မူသည် ဟုမိန့်ကြားတော်မူလေသတည်း။'' (၃း၈၁)

King Fahd Holy Quran Printing complex မှ ထုတ်ဝေတဲ့ အင်္ဂလိပ်ဘာသာပြန် ကုရ်အာန် စာမျက်နှာ ၁၂၄ဝမှာ ဖေါ်ပြပါရှိတဲ့ စူရာဟ်(၃၃း၇) ရဲ့အောက်ခြေမှတ်ချက် (foot note) အမှတ်စဉ် ၃၆၇၇ မှာ ခုလိုဖေါ်ပြထားပါတယ်။

3677 Cf iii: 81. There is an implied covenant on All created things to follow Allah's law. which is the lawof  their being, See v.1. But there is special implied covenant with all Prophets. Strict and Solemn, that they shall carry out their Miss ion, proclaim Allah's Truth without fear of favour, and be ever ready in His serviee in all cirumstances. That gives them their position and dignity as explained as the last verse and their tremendous responsibility in respect of the people whom they come to instruct and lead to the right Path.

ဒါ့အပြင် ဃာဇီမူဟမ္မဒ်ဟာရှင်မ်ဆာဟိဘ်ပြုစုသည့်  ကျမ်းမြတ်ကုရ်အာန်၏ အလင်းပြကျမ်း (သိဘ်ဘယာနွယ်ကုရ်အာန်)ကို ကြည့်ပြန်ရင်လည်း။-

    “ဤအာယတ်တော်(၃း၈၁) ၌ ရစူလ်တမန်တော်တစ်ပါးဟူသည်တမန်တော်မြတ်မုဟမ္မဒ် (ဆွလ္လလာဟုအလိုင်ဟိဝစလမ်) ကိုရည်ညွှန်းသည်ဟုသာဝကကြီးအလီသခင်နှင့် သာဝကကြီးအဗ် ဒုလ္လာဟ်ဣဗ်နု အဗ္ဗါစ်တို့က ဖွင့်ဆိုထားကြလေသည်။”   (ထိုကျမ်း၊ အစောင် ၃၊ ကဏ္ဍ ၃။ စာမျက်နှာ ၂၃၆၊ ၁၉၉၄ခု၊ နိုဝင်ဘာလထုတ်။)

    ဒါတင်မကသေးဘဲ “ကုရ်အာန်ကပြောသော တမန်တို့၏အကြောင်း” ဆိုတဲ့စာအုပ်ကို ဖတ်ကြည့်တဲ့အခါမှာ စာမျက်နှာ (၆)မှာ  “အလ္လာဟ်အရှင်မြတ်သည် တမန်တော်များထံမှ ကတိယူတော်မူခဲ့ခြင်း” ဆိုတဲ့ ခေါင်းစည်းကို တွေ့ရလို့ကြည့်တဲ့အခါ  “ကြည့်ကုရ်အာန် ၃း၈၁၊ ၃၃း၇-၈” လို့ဖော်ပြထားတာတွေ့ရပါတယ်။ (ဟစ်ဂျရီ ၁၄၂၃ ခု၊ ရှာအ်ဗာန် ၂၀၀၂ ခု အောက်တိုဘာလထုတ်)

    ကိုင်း online ပေါ်ရှိ အမှန်တရားကို ရှာဖွေလိုကြပြီး၊ “အလ်-ဟတ်က်” သစ္စာတရားကို “အလ်ဖုရ်ကာန်”မှား မှန်ခွဲခြားစိတ်ဖြာဖေါ်ပြပေးသော၊ ကုရ်အာန့်မှတ်ကျောက်ဖြင့် မှတ်တင်ပြနေတာကို လိုလိုလားစောင့်မျှော်ဖတ်ရှု နေကြသော  “မုအ်မင်န်” အပေါင်းတို့ခင်ဗျား။

    အလ္လာဟ်အရှင်မြတ်က၊ အရှင့်“ဆွန္နတ်” နိယာမတော်ဖြစ်တဲ့ တမန်တော်များအစဉ်အဆက်ခန့်အပ်ခြင်း ကို ဖေါ်ပြကာ၊ ပို၍ရှင်းလင်းစွာသိသာစေဖို့ (၂၂း၇၅.၇၆)တွင် တဖန် လင်းပြတော်မူလျက် ဒီအကြောင်းအရာဟာ အပြောသက်သက်ပေထက် အက္ခရာတင်ရုံ မည်ကာမတ္တအတွက်သာ မဟုတ်ကြောင်း ကိုရော၊ “ခါတမန်နဗီယီးန်”ဆိုတဲ့အပိုဒ်ပါရှိတဲ့ အာယတ်တော်ကို၊ တမန်တော်ယူစွဖ်(အ) ရဲ့နောက်ပိုင်းမှ ၎င်းရဲ့အမျိုးသားများဆိုခဲ့ကြသလို ပြုလုပ်လိုက်ကြမှာတို့ကြောင့်ပါ။ အာယတ်တော် (၃၃း၇) ကို ဖေါ်ပြကာ၊ လယ်ပြင်မှာ ဆင်သွားသလို ထင်ရှားစွာဖြင့် (အဓွန့်ရှည်စွာတည်ရှိမည့် တမန်တော်စနစ်အကြောင်း) ကို ဖေါ်ပြပေးတော်မူကာ။

    “လာသဗ်ဒီးလာလေခလ်ကိလ’ဟိ၊ ဇားလေကာဒ်ဒီးနုလ်ကိုင်းယင်မ်”

    အလ္လာဟ်၏ ဖန်ဆင်းခြင်းအတွက် တစ်စုံတစ်ရာမျှသော ပြောင်းလဲခြင်းမှ မရှိချေ။ ဤသည်ကား ခိုင်ကြည်မြဲမြံ လှသော သာသနာတည်း။ (၃၀း၃၀ ရှု)

    ဆိုတာကို ထပ်ပြီးအခိုင်အမာပြုတော်မူလိုက်ပါတယ်။

    စူရာဟ် ၃း၈၁။မှာ ''မီဆာကန်နဗီယီန်'' နဗီတမန်တော်အားလုံး (အားလုံး) တို့ထံ ကတိပဋိညာဉ်ရယူတော်မူခဲ့ခြင်း ရဲ့ အကြောင်းရင်းမှန်ကို ဖေါ်ပြတော်မူခဲ့ပါတယ်။ ဒါ့ပြင်အဲဒီအာယတ်တော်နဲ့ တစ်ဆက်တည်းပဲ။

'' ဖမန်တဝလ္လာ ဘာအ်ဒါဇာလိကားဖအုလားအိကား ဟုမုလ်ဖွှားစိကူးန် '' (၃း၈၂)

လို့ခေါ်ပြပြီး ဒီကိစ္စကိုမျက်နှာမလွဲှကြဘို့ ပေယျာလကန်မပြုကြဘို့နဲ့ အရှင့်ရှေ့တော်မှာ အကြီးလေးဆုံး ရာဇဝတ်မှု ကျူးလွန်သူအဖြစ်ရောက်ရှိကြမည့်အရေးကို ဖော်ပြတော်မူခဲ့ပါတယ်။

    ဒီတော့ ဒီအာယတ်တော်က တမန်တော်ချုပ်ကြီး ဟဇရတ်မူဟမ္မဒ်မွတ်စ်တဖွှာ (ဆွလ္လလ္လာဟုအလိုင်ဟိဝစလ္လာမ်) ပွင့်ပေါ်မယ့်ကာလကို ရည်ညွှန်းတာပါ၊ တမန်တော်မြတ်ကြီးရဲ့ အွမ္မသ်ကို ရည်ညွှန်းတာမဟုတ်ပါဘူးလို့၊ လျို့ဝှက်ထိန် ချန်ပြီး 'အဝါမ်' ကိုလမ်းလွဲအောင် ပြုလုပ်ကြမယ့် 'အုလမာအေစူးအ်'တွေရဲ့ လှည့်ကွက်ထဲ၊ 'အဝါမ်'များမကျရောက် ရလေအောင်၊ အလ္လာဟ်အရှင်မြတ်က-

    ''ဝါအိဇ်အာခတ်ဇ်နား၊ မိနန်နဗီယီးနာ၊ မီဆားကဟွန်မ်ဝါမင်န်ကာ့''

    ''၎င်းပြင် (ပြန်လည်သတိရပါလေ)တရံရောအခါဝယ် ငါအရှင်မြတ်သည် နဗီတမန်တော်တို့ထံမှ ပဋိညာဉ်ဝန်ခံ ချက်ကို ယူတော်မူခဲ့၏'' ဆိုပြီး (၃း၈၁) ကို ညွှန်းဆိုတော်မူလျက် (ထိုတမန်တော်များတွင်)
အသင် (တမန်တော်မုဟမ္မဒ်သခင်) (၃၃း၇-၈) ထံမှလည်းကောင်း လို့ဖော်ပြကာ    ရှေးတမန်တော်များရဲ့ အွမ္မသ်များဟာ တမန်တော်ချုပ်ကြီး မူဟမ္မဒ်သခင် (ဆွ)ပွင့်ပေါ်လာတဲ့အခါမှာ မိမိတို့ရဲ့ ရှေ့ဆောင်လမ်းပြ တမန်တော်အဆက်ဆက်က မှာကြားခဲ့တဲ့အတိုင်း ကိုယ်တော်မြတ်ထံ သစ္စာခံကြတယ်။ ( ၃.၈၁ ကို ၃၃.၇-၈ နဲ့ ဃာဇီဆာဟိဘ်ကိုယ်တိုင်ချိတ်ပြခဲ့တာကို သက်သေပြုနိုင်သလို ၃၃.၇-၈ မှာ တမန်တော်မြတ်ကြီး(ဆွ) ထံ၌လည်း ကတိယူတော်မူတယ်ဆိုတာကို အထင်းသားမြင်တွေ့ရတာကြောင့် ) အဲဒီလိုပဲ ၃၃.၇-၈ မှာ ကိုယ်တော်မြတ်(ဆွ) ထံကပါ ကတိယူထားတာကြောင့် ကိုယ်တော့်(ဆွ)ရဲ့ အွမ္မသ်နဲ့လည်း အကျုံးဝင်နေတာကို သိရှိကြရပါတယ်။

ဒီတော့ကား ကိုယ်တော်မြတ်(ဆွ)ရဲ့ အွမ္မသ်တွေ အတွက်သတိပြုဖို့ အလ္လာဟ်အရှင်က

ရစူလ်တမန်တော်မြတ်သည် အသင်တို့အား ဖိတ်ခေါ်လျက်ရှိပေသည်။ ထိုမှတစ်ပါး မလွဲဧကန် ထိုအရှင်မြတ် ကိုယ်တော်တိုင်ပင် အသင်တို့ထံမှ ကတိဝန်ခံချက်ကို ယူထားတော်မူပြီး ဖြစ်ပေသည်။ ( ၅ရး၈)

ရှင်းလင်းပြတ်သားလှပါတယ်၊ ကတိခံဝန်ချက်ဟာ ကိုယ်တော့်(ဆွ)ရဲ့ အွမ္မသ်နဲ့လည်းပတ်သတ်နေပါတယ်။

ရစူလ်တမန်တော် တစ်ပါးပါးသည် အသင်တို့ထံရောက်ရှိလတ်သော် အသင်တို့သည် ထိုရစူလ်တမန်တော်ကို (မိမိတို့စိတ်တွင်းမှ) မုချယုံကြည်ကြရပေမည်။(၃း၈၁) လို့ဖော်ပြတယ်။ ၃၃.၇-၈ မှာ ကိုယ်တော်မြတ်(ဆွ) ဆီကလည်း ဝန်ခံချက်ယူတယ်၊ ၅ရး၈ မှာ ကိုယ်တော့်(ဆွ)ရဲ့ အွမ္မသ်တွေဆီကလည်း ဝန်ခံချက်ယူထားတယ်မဟုတ်ပါလားခင်ဗျာ။ ဒီတော့ သက်သေပြုနိုင်တာက တမန်တော်တစ်ပါးပွင့်လာလို့ရှိလျှင် ထိုတမန်တော်ကို ထောက်ခံကြဖို့ ကိုယ်တော်မြတ်(ဆွ) ရဲ့ အွမ္မသ်တွေဆီကလည်း ကတိခံဝန်ချက်ယူထားပါတယ်။

အချုပ်ကတော့

- ၃.၈၁ မှာ အလ္လာဟ်အရှင်က တမန်တော်များထံက ကတိယူတော်မူတယ်၊

- ယူတဲ့ကတိက နောင်များမှာ ကျမ်းစာကိုထောက်ခံဖို့ တမန်တော်ပွင့်မယ်ဆိုရင် ကတိအယူခံထားရတဲ့ တမန်တော်တွေရဲ့ အွမ္မသ်တွေက ထိုပွင့်လာမယ့်တမန်တော်ကို နောက်လိုက်ဖို့

- အဲဒီလိုကတိမျိုးကို ၃၃.၇ - ၈ မှာ ကိုယ်တောြ်မတ်(ဆွ) ထံကလည်း အလ္လာဟ်အရှင်က ယူထားတော်မူတယ်။

- ကိုယ်တော်(ဆွ)ရဲ့ အွမ္မသ်တွေကလည်း ၅၇.၈ အရ ကတိထဲမှာ အကျုံးဝင်နေတယ်။

- ကတိဖောက်ဖျက်ရင် ရရှိမယ့် အပြစ်ဒဏ်ကတော့ ၃.၈၂

မေးခွန်းက - ၃၃.၄၀ ပါ ခါ-သ-မ သည် နောက်ဆုံး သို့မဟုတ ်အဆုံးသတ်ဖြစ်ပါသေးသလော ?

အလ်ဖူရ်ကန်နှင့် အထက်ပါအတိုင်း မှတ်ကျောက်တင်ထားမှုအား ငြင်းဆန်လိုပါက ဃာဇီဆာဟိဘ်၏ ၃.၈၁ အား ၃၃.၇-၈ နှင့် ချိတ်ဆက်ပြထားမှုအားလည်းကောင်း ၊ ဖာဟဒ်ဘုရင်ပုံနှိပ်တိုက်ထုတ် ကျမ်းမြတ်ကုရ်အာန်အင်္ဂလိပ်ဘာသာပြန်နှင့် အောက်ခြေရှင်းလင်းချက်ကိုလည်းကောင်း အလျင်ပယ်ဖျက်ကြပါရန်။

မှတ်ချက် ။ အထက်ဖော်ပြပါ ကျမ်းမြတ်ကုရ်အာန်အညွှန်းများကို ဃာဇီဟာရှင်မ်ဆာဟိဘ်၏ မြန်မာပြန်ပါ အညွှန်းအတိုင်း ယူပြထားပါသည်။

References


နောက်ဆက်တွဲ (ဃ)